قصة كوثر وسليم
قصة واقعية
سلام عليكم بعد تردد كبير قررت نكتبلكم حكايتي و نشارك لبنات فاللي فات عليا بسبب طيش و اهمال انا من سيدي بلعباس اسمي كوثر خمرية شعري اسود و طويل عينيا نوازات لاطاي نتاعي عادية ماسمينة مارقيقة نولي بيكم لزمان وقت كان عندي 12سنة ماما و بابا طلقو شيء متوقع لانو مانعقلش رقدت نهار بلا ما نسمع عياطهم كل يوم متناقرين كنت نحلم نشوف بابا و ماما كيما الناس متفاهمين و عايشين لباس بصح الواقع عكس الاحلام
😨 خويا الصغير زيد كان عمره داك الوقت 10سنين انا و هو كنا نموتو على بعضانا و وقت نسمع ماما تعيط مع بابا نغلق البيت و ندير اصوات نلعب معاه نحاول مانخليهش يسمع بصح رغم هاذ الشيء كان يسمع اصواتهم كانت توصل حتى للجيران على هاذي قتلكم طلاقهم شيء متوقع المهم ماما دات زيد و انا بقيت مع بابا لانو قالها مانخليش بنتي تتربى مع راجل غريب وقتها مافهمتش كلام بابا و ماعرفتش شكون هاذ الغريب #قصص_متمردة.. المهم بقينا انا و بابا وحدنا فالدار اتوحشت زيدو بزاف مرة بابا جا عندي لقاني نبكي عنقني قالي سمحيلي يا بنتي انتي و خوك عنقته و بكيت حتى رقدت و الصباح قالي بابا راح نرحلو لولاية اخرى نسكنو بحدى جدتك قتله كيما تحب قالي 15يوم هكذا نتنقل من خدمتي و نروحو و فات 15يوم و رحلنا رحنا لولاية اخرى كانت فيلا صغيرة قريبة من دار جدتي و بعد ما سكنا جدتي بقات تزن على بابا يعمر داره و يجيب مراة بابا رفض الموضوع قالها نحب نكبر بنتي وحدي مانحب حتى مراة تظلملي بنتي و جدتي ماكرهتش بقات كل ماتجي عندنا تزن على بابا و هو يرفض و فاتو الشهورة مرة جات جدتي قالت لبابا الى راك حازن عليها راها تزوجت و راحت لفرنسا قالها الله يسهل عليها انا ماحزنتش عليها بصح حاب نربي بنتي وحدي و جدتي طبعا ماتهنتش بقات كل مرة تجي و تعاود نفس الموضوع و بابا يرفض و فاتو الايام و الشهورة و العوام وليت 14سنة وحشي لماما و زيدو كل يوم يزيد نبات معنقة فتوات نتاعهم مريت بفترة صعيبة بزاف و كل مرة كنت نسقسي بابا نقوله ماما و زيدو وينهم؟ يغير الموضوع و مايحبش يقولي وانا مانحبش نزيد نقلقه بابا كان و نعمة الاب كان بابا و ماما و خويا و اختي بابا كان طبيب و رغم ظروف العمل نتاعه اللي تحكم عليه يبقا يخدم لوقت متأخر الا انه كان يدير المستحيل باه مايخلينيش وحدي و جدتي مستمرة فالزن نتاعها و بابا يرفض حتى قاتله جبتلك عروس و لوكان ترفض لا انت ولدي ولا انا نعرفك و نغضب عليك و عرفت كيفاش تحكم بابا و هو ارضخلها و قالها
تعليقات
إرسال تعليق